O loo faatalia nei pe ioeina e le Medsafe a Niu Sila nisi o tuipuipui fou o le Koviti-19 ua aliae.

Fai mai le Medsafe ua o latou taliaina le talosaga mo isi versions o tuipuipui o le Novavax, Pfizer lea e aofia ai le Omicron Strain XBB.1.5.

O le ituaiga aupito taatele lea o le Omicron na aafia ai le toatele o tagata i le atunuu aemaise i le taimi o le taumalulu.

O se tasi la o vaega o le taliaina o lenei talosaga, ua talafo ai e kamupani faamatalaga ma faamaumauga i le Medsafe lea latou te ioeina soo se fualaau e faaaogāina i Niu Sila.. 

Fai mai o le taimi nei o loo faia le iloiloga i tuipuipui fou ia e lua a o lei tuuina mai se faamatalaga mai le Medsafe.