O loo iloilo nei e le matagaluega a le soifua maloloina le isi tui e lima iai tuipuipui o le Koviti-19.
Ua faailoa mai i le asō o loo talitalia nei se faaiuga a le ATAGI le Australian Technical Advisory Group on Immunisation i le mataupu lea i le tui lona lima o le koviti.
O le taimi nei e na o i latou e iai aafiaga ogaoga tau le soifua maloloina ma silia ma le tai 16 tausaga le matutua o loo agavaa e mafai ona faia loa le tui lea ae o le fesili ua tulai mai i le toatele, pe faapefea pe afai e iai isi ou tuipuipui o loo misi e lei faia.
O loo ta’ua i lipoti e ao lava ona vaai pea se fomai mo se faatonuga pe afai o le tulaga lea ae afai ua mae’a uma tui ona faatalitali lea i le faaiuga o le a tuuina mai e le ATAGI pe o le a faatino loa lea tuipuipui lona 5.
