Ua saunoa le Palemia o le Atu Solomona o Jeremiah Manele o le a ia faaaloalogia le i’uga e oo iai le iloiloga o loo faia a le faamasinoga i mataupu tau polokiki a le atunuu.
O le iloiloga o loo faia e faatatau i le musu o Manele e valaau le fonotaga a le Palemene i le mae’a o le aga’i ese o se vaega tele o faipule o lana vaega faaupufai, ma o le aso ananafi na amata ai le iloiloga i le Faamasinoga Maualuga.
Saunoa le Palemia ma lipotia i le RNZ e ao pea ona faatumau le faatuatuaga o le to’atele i le faamasinoga ma na te una’ia vaega faaupufai uma ina ia lava papale a o faatalia le faai’uga o le matāupu.
O le talosaga ia faia se iloiloga na faila e ta’ita’i o le kulupu o faipule lea ua faatūina la latou lava patī ma ua lipotia ua 28 ona sui auai, ma e talitonu o latou lea ua umia le majority poo le to’atele o faipule i le maota o le Palemene.
Puna o Faamatalaga: https://www.rnz.co.nz/international/pacific-news/591078/solomon-islands-high-court-to-decide-political-impasse-pm-manele-calls-for-calm
