Ua liki mai i tua faamatalaga e le o toe mamao faailoa mai e le malo le suiga o le a aveesea mai ai lafoga totogi o le GST mai fualaau‘aina ma fualaau faisua.
O tala ia mai le National, ma e faapea o se tasi lea o fuafuaga a le malo i le itu o lafoga.
Peitai, e lei fia talanoa mai ai le Palemia Chris Hipkins ananafi i nei lipoti, ma e lei faapea na ia teena ae pau le tali o lea e lei faailoa aloaia mai i tua.
O le aveesea o le GST mai fualaau’aina ma fualaau faisua na muai teena e le minisita o tupe Grant Robertson ona e faapea e le faigofie ona mataitu.
E pau le itu ua manino e lē faia e le malo se wealth tax poo se capital gains tax a o lei oo i le palota ia Oketopa poo lafoga nei ua oo lava i sui o le pati a le Labour ua fevaevaea’i ai e pei ona faaseetuagalu ai David Parker i le vaiaso nei mai le avea o ia ma minisita o tupe maua ona i lona manatu e lē aogā ona faaauau ai i lea tofiga, o lea e manao e faia se wealth tax.
I le lipoti a le Herald, e le o toe mamao faailoa mai le tax policy a le malo.
