Ua faatali nei le malo o Samoa i se faamaninoga mai le malo o Ausetalia i le faaaogāina o lana foa’i tupe e 150 miliona tala tupe Ausetalia mo le atina’e o le taaloga lakapi, lea e aofia ai ma iuni lakapi a le atunuu o Tonga ma Fiti.
Ua faailoa e le ta’ita’i o le malo i le Palemia lea tulaga e faamanino ai se lipoti sa ta’ua ai le alu loa o lea fesoasoani e aunoa ma le aofia ai o Samoa ona ua lē sainia e le Palemia o le tatou malo susuga Laaulialemalietoa Leuatea Poalataivao Fosi.
Le ta’ita’i o le malo le afioga i le Palemia susuga Laaulialemalietoa Leuatea Polataivao Fosi i lona finagalo na tali ai i se fesili i le feiloa’iga masani ma tusitala.
