O le lē toe maluelue o le faaiuga a le malo i le taimi nei, e lē toe aumaia se vaalele lapoa e lisi mo malaga sa masani ai i le agai i Niu Sila ma Ausetalia, ua faailoa e le Minisita o loo iai le vaaia o le Samoa Airways le tofa Leatinuu Wayne Sooialo, ua faatalanoa nei ma sui o le kamupani vaalele a Fiti le Fiji Airways le faia o se faigapaaga e faatau ai e le kamupani vaalele a le atunuu ni nofoa i malaga a lea kamupani vaalele agai i Niu Sila ma Ausetalia.
Na faailoa e le minisita lea fuafuaga i le faatalanoaga i le polokalame o le Soalepule i le televise a le EFKS i le po o le Aso Faraile na tea nei.
Na saunoa ai le tofa Leatinuu ma ia faailoa foi le taunuu atu o se isi foi manao faapea o se isi kamupani vaalele, ae o nei feutanaiga uma e lei faamautuina se tali.
Le Minisita o loo iai le vaaia o le kamupani vaalele o le Samoa Airways, tofa Leatinuu Wayne Sooialo.
