E le’i malie le Palemia i tala a lana Minisita o Faasalalauga Wilie Jackson, ma o lea ua ia toe saunoa ai e faamanino itu ua avea nei ma mataupu ua toe osofaia ai la latou itu.
O le faatalanoaga a Wilie Jackson i le Aso Sa na fesiligia ai le tutoatasi o ofisa faasalalau a le TVNZ ma le leitio a Niu a Sila lea o le a tuufaatasi.
E le’i manino ae taamilo ma oo ai i nisi o faamatalaga peiseiai ua toe osofai e le Minisita le Tutoatasi o ofisa faasalalau i totonu o Niu Sila.
A’o fai mai ai nisi e le’i lava tapena le Minisita, ua avea ma itu ua upuia ai nei le omai faatasi o ofisa faasalalau nei e le gata o tala mai isi patī a’o le iuga na oo iai le palota na sau i tua ananafi lea o le toatele e lē lagolagoina le tuufaatasi o le TVNZ ma le leitio a Niu Sila.
Ripotia e le Stuff e na o le 22% o tagata e lagolagoina. Faailoa e le Palemia Jacinda Ardern ona o lona le malie i nisi o faamatalaga a le Minisita o lea na ia faatalanoaina ai loa ananafi mulimuli ai tali faalauaitele mai i sui o ofisa faasalalau.
E ui i lea o loo mafanafana le Palemia e mafai e lana Minisita le galuega. Ae mai ia David Seymour ole ACT, ana o Helen Clark ua tuli le minisita ia Willie Jackson.
