E le o taliaina e le Tennis Australia nisi o finagalo faaalia ma talosaga foi ina ia aveese mai tagata taaalo tenisi a Rusia ma Belarus mai le taamilosaga o le Australian Open lea o loo faagasolo i le taimi nei.
O le amepasa o Ukraine i Ausetalia o Vasyl Myroshnychenko na ia tuuina se faamatalaga ma valaau ai i le asosi o tenisi i Ausetalia ina ia faia foi le faiga sa faia i le taamilosaga o le Wimbledon ma faasā le autaalo mai Rusia ma Ukraine mai le taaalo ai i lea taamilosaga.
I se pepa la o faamatalaga mai le Tennis Australia ua tuuina i le Wide World of Sports ua tautino ai e lē taliaina e le Tennis Australia le fia malosi o Rusia ma le osofaia o Ukraine ma ua faailoa foi o le a faataga pea ona taaalo le autenisi mai Rusia ma Belarus e ui e le mafai ona faailoa ni fu’a mai o latou atunuu ma o le faiga lea o loo faatino ai le Australian Open 2022.
