Ua tapena ma sauni fiafia le kirismasi a se tasi o matai le tofa Seuala Patone, ina ua faaui i tua e leoleo ona moliaga e lua sa tuuaia ai i lona faia o se gaioiga solitulafono e ala i lona saini faamalosi o se pepa lesitala o matai.
O le gaioiga lenei na laumanuia i le tausaga e 2019 ma tulai ai lea tamalii i le faamasinoga sili i le tausaga e 2020.
Peitai o le toe oo atu o le mataupu i le faamasinoga i le Aso Gafua o le vaiaso nei na faailoa ai e loia a leoleo ia faasolomuli ma aumai i tua moliaga ona ua le mafai ona faamautu ni mau e lagolago ai.
Ua talia e le afioga i le faamasino sinia o le faamasinoga sili, le afioga Vui Clarence Nelson le talosaga a le itu a leoleo, ma ua faaleaoga uma ai moliaga o Seuala Patone o Lalomanu Aleipata.
