O osofa’iga a leoleo i le taimi o aso fiafia o le kilisimasi na faamālōlō lē tumau ai se alii leoleo ona o le mama i tua poo le liki o faamatalaga i tapenaga a leoleo i nofoaga na osofa’ia ona o solitulafono tau i fuālaau faasāina.
Peita’i o lea ua faailoa e le Minisita o le Matāgaluega o Leoleo, Falepuipui ma le Toefuata’ina le faamālōlō lē tumau o isi leoleo sinia e to’alua ona o lea lava māfua’aga.
Ua faailoa e leoleo suafa ma ata o tagata o loo taofia i moliaga e fesoota’i i fuālaau faasāina ma ‘au’upega na maua i nisi o osofa’iga, ma o le a faailoa e le Minisita o leoleo le afioga i le Palemia suafa o ia leoleo i le vaiaso fou, e ui ua faailoa i se lipoti se tasi o leoleo sinia ua faamālōlō lē tumau le afioga Nanai Vani.
Susuga Laaulialemalietoa Leuatea Polataivao Fosi o le Palemia ma le Minisita o le Matāgaluega o Leoleo, Falepuipui ma le Toefuata’ina.
