Ua amata faasolo nei se sa’iliga tele a malu o le malo i nisi o tagata, na faia le gaioiga o le tafanaina o ni tagata se to’alua i faaitu o Southland i lenei vaiaso.
I lipoti mai le Stuff, o loo faamauina ai poo le lata i le itula e 8 i le afiafi o le Aso Lulu, na valaau atu ai vaega o faalavelave tutupu faafuase’i poo le Emergency Services i le faaitu o Aparima Street i Gore ina ua faalogoina le pā pā o fana.
Ta’ua na avatu faanatinati i la’ua i le falema’i mo togafitiga.
Māua o le tasi o loo i se tulaga ogaoga manu’aga ae o le isi e lē o i se tulaga tigāina.
Faamauina i lipoti na sosola ese ē na faatinoa ia faiga faalēaofa ma le solitulafono tele, a o le’i taunuu atu leoleo i le nofoaga na tupu le faalavelave.
Ua faamanino mai e le Ta’ita’i Leoleo Asiasi, Inspector Mike Bowman, o loo faaauau sa’ili’iliga ma iloiloga i le matāupu ma ua talosagaina foi le mamalu lautele, o ai lava o silafia ni faamatalaga ina ia faafesoota’i vave atu lo latou ofisa.
Puna o Faamatalaga: https://www.stuff.co.nz/nz-news/360915990/manhunt-underway-after-two-people-shot-southland
