O le amataga o lenei vaiaso o le a toe feiloai ai sui o le soa komiti o le Tuto’atasi o loo i le ta’ita’iga a le Matagaluega o Leoleo ma Falepuipui, e faatalanoa tapenaga o le Tuuga Fautasi o le Faamanatuina o le 60 Tausaga o le Tuto’atasi faapea polokalame o le Teuila i le masina o Setema.
O lea ua faailoa i se faasilasilaga mai le sui Komesina o Leoleo le susuga Papalii Monalisa Tia’i Keti, o le fonotaga lona lua ma sui o nuu ma afioaga faapea ni ekalesia ma faalapotopotoga o loo fia auai ni o latou Fautasi, e lē gata o tapenaga mo lea faamoemoe ae o loo saili foi ni nuu o ekalesia ma faalapotopotoga o iai ni o latou vaa Tulula, o Vaa Alo ma Paopao.
