Ua faasolosolo mai I Sini uiga louloua o le tau e pei ona mafatia ai nai tagata o loo aumau I Brisbane ma aai lalata ane faapea foi ma isi vaega o Niu Sau Uelese e pei o Lismore ma ona tuaoi. E uiga ese vaaiga ma ata ua faalauiloa mai ile televise e tusa o aafiaga o timuga tetele ma lologa I vaega eseese o setete e lua.
O seisi lipoti a le 7News mai le aso ananafi na faailoa ai se video o se tasi alii na fesoasoani atu iai se tasi tagata ausetalia ma laveai mai mai tafega. O loo taua I le Samoa Observer o lea alii o se tagata faigaluega faavaitaimi I Ausetalia o Paselio Matautia.
Ile faatalanoaga a le 7 News ma le tama sa fesoasoani atu ia Paselio na taua ai e lea tama le faalogoina o lona vaivai ona e fai si faigata ma le aave o le vai ae o le mea sili ua mafai ona faasaoina mai le soifua o sia alii. I Brisbane lava ia e toa 8 tagata ua faamaonia mai ua maliliu mai nei lologa ao faaauau ai galuega fesoasaoni ma galuega laveai ile aso.
Lapataia Sini ma aai lata ane foi ona o timuga e ono aafia ai I lologa ile aso ae le gata I lea o faititli ma matagi malolosi. O le vaiaso na tea nei na uma lelei le vaiaso o timuga mo Sini ma Niu Sau Uelese ae foligamai ole a toe faaopoopo foi isi timuga.
Ua fautuaina tagata ia nonofo I fale ma alofia le uia o magaala o loo iai lologa ma ua lapataia foi faaitu e pei o Illawara, South Coast, Hunterm Central ma SouthernTablelands atoa ai male Metropollitan.
