E iai oloa e lē o toe tutusa le lapopo’a sa iai muamua, peitai o loo tumau lava le tau ma o lea ua oo iai iloiloga.
O se mataupu ua lāgā i supamaketi i totonu o Ausetalia, ma o lea ua sau ai ma le talosaga i supamaketi Niu Sila ua tatau ona faamanino tulaga nei.
Fai mai le Pule Sili o le Consumer NZ Jon Duffy, e tatau i supamaketi ona iai se faailoilo e faapipii i fata nei e iai oloa ua faasolo ina laiti le faapepaina mo le silafia e tagata faatau.
Fai mai le ofisa o faamaumauga a Niu Sila a faatusatusa i tau o oloa, ua iloa ai o le tele o oloa ua faasolo ina laiti e aofia ai sukalati, pepa keke, fuamoa faapea chips lea ua tele ina pa’ū mai le 100 kalama i le 90 kalama, peitai o le tau e lē o suia.
O se mataupu ua laga mai ai i le taimi o loo faatali se faai’uga a le Kapeneta i le vaiaso fou i auala e foia ai faafitauli o loo faafaigatā ai ona ofi mai se isi supamaketi lona tolu i totonu o Niu Sila.
Puna o Faamatalaga: Calls for more transparency on shrinkflation at the supermarket
