O loo iai nei le KiwiRail i le ogatotonu o talanoaga e faatatau i auala e faaitiitia ai tupe faaalu, ma o loo sau ai ma tala o le vāea.
Ua lipotia e le Stuff e lē o toe mamao faailoa mai i tua fuafuaga a le KiwiRail e aofia ai ma le vāea o galuega i le North Island lea e aofia ai lālā i Hamilton, Tauranga ma Kawerau.
O ni fuafuaga o loo faatali i le mae’a faamautinoa mai ai o fetuuna’iga ua fuafua mo Hawke’s Bay, Palmerston North faapea le aufaigaluega o loo galulue mo le Interislander.
I saunoaga a le sui o le KiwiRail o loo ia ta’ua ai, e moni o lea o loo fetuutuuna’i auala e faaitiitia ai tupe faaalu e faatusa i le mana’omia o le auaunaga ma uta faamomoli.
O auaunaga o loo faia e le KiwiRail e tusa ma le $120 miliona i le tausaga e moomia e faaauau ai pea.
A o faasolo faatalanoaga, o le a taamilo foi sui o le pulega e aofia ai le Pule Sili, Peter Reidy e fono ma tagata faigaluega e aafia i le North Island.
Puna o Faamatalaga: https://www.stuff.co.nz/politics/350444549/kiwirail-cost-cutting-set-cost-jobs-and-services-across-north-island
