E lē o māmā i le minisita o le malosiaga tau eletise ia Simeon Brown talosaga ma lapataiga i tagata Niu Sila e faasoasoa lelei le faaaogāina o le eletise ina ina mautinoa e lē motusia le sapalai i le taeao nei.

O lapataiga mai le Transpower ananafi o le va o le itula e 7 i le taeao nei faasolo mai i le itula e 9 e ono motusia ai le eletise pe afai ae utiuti le sapalai.

E lē gata i aiga taitoatasi ae faapea pisinisi tetele lea o loo taulai iai le talosaga i le faaaogā tatau ai o le eletise i le taeao nei.

Na tuua’ia ai e le minisita ia Brown le faigamalo faatoa uma ai ma le faasā o le suauu faapea le kesi lea sa faamoemoe iai e fesoasoani i le gaosia o le eletise.

Fai mai ai ma Brown i tagata Niu Sila e usitaia ma amanaia faatonuga mai le Transpower lea o loo fai mai, e taumafai e aua le fafagaina taavale alu i le eletise, tape heaters o loo faamafanafana ai fale faapea moli i potu e lē o faaaogāina seia ta le 9 i le taeao nei.

Puna o Faamatalaga: Energy Minister Simeon Brown ‘incredibly concerned’ amid warnings of power cuts | Newshub