E toatolu ni alii faifaiva mai afioaga o Fusi, Vaiafai ma Saipipi i Savaii na mafai ona faasaoina i se galuega laveai sa faatino e le ofisa o leoleo i Tuasivi i le po o le Aso Faraile na tea nei.
Sa alu se faiva o ia alii e toatolu ae na faaletonu le afi o lo latou vaa fagota ma faapena ona tafea ai.
Peitai sa manuia le latou taumafaiga sa fesootai ane ai i leoleo i Tuasivi mo se laveai ma faapena ona agai iai Malu o le Malo i lo latou vaa ma taunuu tonu i le ogasami sa iai le au faifaiva ma lo latou vaa fagota.
Na faatino gaioiga fesoasoani e leoleo ma toe faasaoina ai le auvaa e toatolu.
