Ua lipotia mai le faatupula’ia o tulaga femēmēa’i o pulega o le Ea Niu Sila, i le faasalalau faalaua’itele ai e le E tū union se tetee a sui galulue i luga o vaalele a lenei kamupani – o faigāmalaga pupuu, poo le vaega ua ta’ua o le narrowbody short-haul cabin crew.
Māua o lenei tetee o le faataunuuina i le aso 18 o Tesema, a o lumana’i ai le vaiaso o le Kerisimasi, o se vaitau pisi, ma o taimi ma aso foi e femalagaa’i ai aiga mo aso fiafia.
Ta’ua e le Iuni, o lea tetee o le a vaaia le tele o vaega o femalaga’iga o le a faalavelaveina, e aofia ai faigāmalaga mai lea aai i lea aai (intercity) o malaga i le va o Niu Sila ma Ausetalia (transtasman) ma malaga aga’i atu i le Pasefika.
Faaopoopoo le Iuni o le faasee i tua lea fuafuaga pea ua silasila atu le faalapotopotoga ua i se tulaga tatau feutaga’iga.
Faailoa e le failautusi a E tū Rachel Mackintosh, o le tele o isi tagata galulue i luga o vaalele ua mafai ona maua ma aveese le tele o itu na pei e poloka ai le ono maua lelei o a latou totogi, ma ua mafai ona faamalieina le tele o itu, ae peita’i o lea lava e fālō pea tagata galulue i luga o le Ea Niu Sila i malaga pupuu (short haul) ma le latou faafitauli e lē o faamalieina.
Ta’ua e le sui o le Ea Niu Sila, chief people officer Nikki Dines o loo sologa lelei lava feutaga’iga ma talanoaga i le matāupu, ma o loo iai le faamoemoe e maua se tasi i lea matāupu.
Faamaonia mai e lē o iai ni faigāmalaga ua aafia i le taimi nei, ae o le a o latou logoina tagata malaga pe afai ae aafia a latou faigāmalaga.
Puna o Faamatalaga: https://www.nzherald.co.nz/business/air-new-zealand-strike-notices-changed-union-says-short-haul-action-may-happen-a-week-before-christmas/
