E tolu taaloga o le a misi a Reece Walsh e aofia ai ma le taaloga faaiu o le State of Origin ina ua tuuina mai le faasalaga mai le NRL.
Ua lipotia e le 9Sports o le faaiuga na tuuina ane i le mae’a o feutanaiga a le vasega o faatonu o le taaloga, ma e lei manino lona faapupulaina ona fai mai lipoti e lei maua se maliega autasi a sui e toalua o le panel o lē sa avea ma laufalī o Sean Hampstead ma le isi sa taalo foi muamua, Tony Puletua ma faaaoga ai loa le palota a le taitaifono i le mataupu.
E pei ona lipotia atu muamua, o le mataupu o loo aofia ai Walsh o ana faamatalaga na faia i le taimi o le taaloga talu ai a lana ‘au na faia’ina ai i le Titans 12-18.
Manatu nisi e mataituina le taaloga o le a ma’umau le tomai ma le taleni a lea alii talavou i le taaloga ae lusi avanoa ona o le lē puleaina lelei o le tagata ma lava le onosai aemaise lava i taaloga faavaomalo.
