Ua faamanino mai e le Worksafe o se faalavelave lava sa faatali e tulai mai, le tulaga na iai masini i le bakery i Aukilani i Sisifo lea ua faasala nei i le faasalaga tupe e $36 afe ona o le mataupu na manunua ai tagata faigaluega e toalua ia Ianuari ma Iuni o le 2021.
O le Bakeworks ua faailoa i lipoti i le asō ua faasalaina i le faamasinoga faaitumalo i Waitakere ae o le mataupu na aafia ai tagata faigaluega e toalua o le isi na afaina ai tamailima ina ua aafia i le masini o loo faaaoga i le bakery ma le isi e tali tutusa lava foi aafiaga, ua faailoa e lei iai se safety guard o le masini ma sa faaletonu i le tusa ma le 18 masina a o lei tupu le faalavelave.
Fai mai le Worksafe i le lipoti lea o tagata faigaluega e tatau ona lelei tulaga e faigaluega ai ma o le matafaioi lea a le kamupani.
E faalua la ona molia le kamupani lea i lalo o le Health and Safety at Work Act ma o le faasalaga aupito mamafa i lalo o lea tulafono e oo atu i le $1.5 miliona.
