Ua faasala nei e le faamasinoga le alii talavou ia Sheldon Roma mo le 4 masina, e nofo vaavaaia ai i le fale poo le home detention; i lona auai i se gaioga matuiā ua aafia ai se isi tagata.
O se faatinoga ua faaigoaina e le faamasino o loo nafa ma lea matāupu o le faaoolima sesē i lona faaperetaniaina “mistaken vigilante justice”.
I lenei matāupu, na faaalia o Sheldon Roma ma nisi o tagata e to’alua na o latou faaoolima i se alii e iai aafiaga tumau o lona soifua poo le vaega ua ta’ua o le “an autistic man”, faamauina o sē e feagai ma faafitauli i le mafaufau – e foliga o se tagata matua a o lona mafaufau ua na o se tamaitiiti.
Faamatala na faaoolima lava ia taulele’a e to’atolu e pei ona aofia ai Sheldon, i lē ua aafia ma le latou lava talitonuga o se faaoogalima e tatau ai na o latou faia i lē ua aafia, e ui na te le’i faia se gaioiga e ono faatupuina ai se tigā i se tasi.
Faaalia i faamatalaga mai se tasi o itulau i luga o upega tafa’ilagi, sa savalivali i le afiafi na o ia i Hamilton Street ae fāsia ai loa o ia.
Ta’ua e fai lava sina telē o aafiaga ua iai nei lea alii, e faamatala sa tele lava e nofo na o ia ae ona o le faalavelave ua tupu ua vaaia ai le lē toe fealua’i o lea alii ua toe nofo ma tagata o lona aiga; ua tupu a’e foi i sia tagata le lagona o le fefe i taimi e alu ese ai ma le fale.
Faaalia e le faamasinoga lo latou lē talia ai e soo se ituaiga sauāga ma ua poloa’ia ai nei e le faamasinoga le talavou o Sheldon Roma e totogi atu le $1000 ona o aafiaga a lē ua aafia.
Puna o Faamatalaga: https://www.facebook.com/share/p/1C4KeZQvkw/
