O le tausaga 2019 na amata ai le taamilosaga kirikiti faapitoa mo Ekalesia Kerisiano uma i totonu o Aukilani. 

O lea faamoemoe ua faapitoa lava na o ‘au a ekalesia eseese, ina ia mafai ona maua ai se mafufaga fiafia ma maua ai le faamasani mo tupulaga uma o Samoa o loo i totonu o autalavou a ekalesia taitasi. 

Ae le gata i lea ua silasila le tele o susuga i faafeagaiga ma nisi o talavou o loo taitaia autalavou i totonu o ekalesia ua amata ona iai le faavaivai o tupulaga talavou e auai atu i lotu i Aso Sa, ma sa taumafai loa i latou e saili se isi auala e taumafai e toe tatai atu ai agaga o talavou i le Alii. 

O le amataga o le taamilosaga lenei na o le 5 ‘au a ekalesia sa amata mai ai, o tausaga e 3 ua mavae na sosoo ai le siamupini a le Metotisi ae o le lua tausaga na sosoo mai ai na siamupini ai le EFKS. 

O le tausaga lenei o lea ua toe tapena ai le faaauauina o le taamilosaga i le faaiuga o le vaiaso i le malae i Otara ma ua 6 ai nei o tausaga talu ona faagasolo mai lenei faamoemoe. 

O ‘au a ekalesia o loo fili mai i totonu o aulotu taitasi ma sa amata ona taitasi ‘au a ekalesia peitai o le taimi nei ua faatuputupulaia le tele o tupulaga ua auai o le ala lea ua tatala ai le avanoa e tai lua mai ai ‘au a nisi o ekalesia. 

O le tausaga lenei ua sefuluvalu ‘au lea ua iai, e 12 ‘au alii ma le 6 a tamaitai.  

EKALESIA AUAI 

• EFKS 
• KATOLIKO 
• METOTISI 
• PIPC 
• LDS (MORMON) 
• EFKAS 
• AOG 
• PENTECOST 
• NAOG 

‘Au a Alii 

•  Efks Red (Defending Champion) 
• Tama o le Meko 
• Catholic Red 
• LDS (Mormon) 
• Pipc 
• Pentecost 
• AOG 
• Catholic Blue 
• EFKAS 
• EFKS White 
• NAOG Blue 
• NAOG White 

‘Au a Tamaitai 

• Efks (Defending Champions) 
• Catholic 
• Pentecost 
• Teine o le Meko 
• PIPC  
• NAOG 

O faatamā o lenei taamilosaga o le afioga ia Patele Iosefo Timu, (St Joseph’s Grey Lynn & Taimua Youth). Rev Elder Pouniu Faamausili (Toeaina Faatonu EFKS Matagaluega Aukilani). Manuo Pesaleli Afamiliona (Tiakono toeaina EFKS Matagaluega Aukilani). 

Ae na ta’ua e le susuga ia Tanoa’i Reupena Michael e faapea, talu mai ona amata mai lenei faatofalaiga ua maitauina ai le tele o tupulaga talavou o lea ua agai i totonu o latou eklalesia ma faamaopoopo o latou autalavou faapea ma ekalesia. 

Ma o le fiafiaga sili lea ua fiafia ai foi susuga i faafeagaiga ona o lea e iai le naunautaiga o talavou i taaloga ma le lotu.