O loo faaopoopo le fuainumera o tagata lē mafaufau o loo nonofo i fale o le malo o lea ua faate’a ese.

O le masina o Mati lea na sau ai le faatonuga mai le malo agai i le Kainga Ora e faamuta Sustaining Tenancies Framework ma ia faamalosia ana pulega faasaga i tagata nei e nonofo i ona fale ae amio le pulea.

I totonu o le tolu masina ua tuanai e 14 konekarate na sainia ma fale nei o le malo ua faamuta ona a le o le le totogia o rent poo amio lē pulea.

O se faaopoopoga lea pe a faatusa i le na o le toavalu na faatulai ese i le tausaga atoa e 2023.

O loo tu malosi le minisita o fale a le malo, Chris Bishop ma fai mai e moomia le faia o faai’uga tatau i aiga nei, ona o nisi ua fai ma sasa i aiga tuaoi a o iai pea i lalo o le tulafono tuaoi lea e lei faamalosia ai le iai o aiaiga e limata’ita’iina ai amioga e tatau iai.

Na ta’ua ai foi e le minisita, e tusa ma le 24,000 tagata o loo iai nei i le lisi faatalitali mo fale nei o le malo ma le silia ma le 2000 isi tagata o loo nonofo nei i faletalimalo i lalo o le emergency housing, ma e lē fetaui ai la le faaleaga o isi o fale a le social housing ae o lea e toatele tagata o loo moomia.

Fai mai a Bishop, e faigofie lava le feau, afai o lau amio o loo mafua ai ona fefefe isi aiga tuaoi ma aafia ai, ua uma lou taimi ma o le taimi o le sui o lau amio poo le faatulai ese.

Puna o Faamatalaga: Kāinga Ora evictions rise in crackdown on unruly tenants (1news.co.nz)