Ua faailoa mai i le asō le toe faaopoopo o se isi faigamalaga mai Ausetalia i Amerika ma o le a amata aloaia i le masina o Oketopa. O le malaga e mai Brisbane i San Francisco ma o le a faaopopo atu i auaunaga a Ausetalia mo le tautuaina o ona tagata malaga. 

Faailoa e le United Airlines o le a lele le vaalele faatolu i le vaiaso amata ia Oketopa 28 o le tausaga nei. E lē tele ni malaga i le va lea o Ausetalia ma Amerika ae o le a iai se faaopoopoga ona o ia malaga fou ua faailoa. 

I le taimi nei pau malaga o loo iai e aofia ai le agai atu mai Sini i Niu Ioka faapea ma Lonetona ma ua ta’ua o le malaga fou e pei ona folafola i le vaiaso nei o le a faateteleina ai le aofai o pasese malaga ese mai ma Kuiniselan i le tausaga.