Ua faamaonia mai nei e le Minisita o A’oga, Erica Standford le faaopoopo ai o se isi A’oga Tulagalua i totonu o Aukilani.
Ua ta’ua e le tamaitai minisita, i le maua ai o lenei a’oga fou, o le a mafai lea ona fesoasoani atu e ala i le maua o potu a’oga mo le a’oa’oina o le gagana Māori.
Ta’ua i lipoti, e oo atu i le 600 fanau a’oga o le a mafai ona fale i lenei falea’oga fou i Massey ma o le a iai nisi o fesoasoani faalea’oa’oga faaneionapo poo le satelite learning support spaces mo le a’oga a Arohanui.
Na faailo e le tamaitai minisita ia Erica Standford, o lea ua tatala le faaaogāina o le $100 miliona o tupe faaalu a le malo ma ua faamoemoe e aga’i sa’o lea mo le tau atina’eina o vaega eseese o le atunuu.
I le faatautaia ai o galuega ma fuafuaga mo le faaleleia o itu uma o a’oa’oga i le atunuu, ua faaalia e Standford, ua maua lenei tupe tele ma o le a fesoasoani tele e faaopoopo pea le numera o fanau a’oga i totonu o a’oga.
Na faaalia foi e le tamaitai minisita, mo lenei avanoa ua mafai ai ona maua ai le 67 o avanoa faafaia’oga mo Aukilani ma a’oga mo Māori ma le tele o fesoasoani o loo moomia.
Puna o Faamatalaga: https://www.rnz.co.nz/news/political/558194/education-minister-erica-stanford-announces-new-school-in-auckland-extra-classrooms
