E silia ma le 500 avanoa faigaluega a le Auckland Council ma pulega eseese o loo i lalo o lana faamalu o lea o le a lē toe iai.
O le vaiaso talu ai na sau ai tala o le 160 avanoa faigaluega a le Auckland Council o le a toe maua, ma o loo aofia ai le 68 avanoa faigaluega ua soloia.
Ae oo mai ananafi sau le tala faanoanoa faapitoa i tagata galulue i le Tātaki Auckland Unlimited, poo le vaega o loo gafa ma le zoo, malaetaalo faapea le tele o mataaga o loo i lalo o le Council o le a o le 200 tagata faigaluega.
Lipotia e le leitio a Niu Sila tala a le Pule Sili o le Auckland Council Jim Stabback, o le amataga lea o suiga, ma o le vaega lona lua o suiga e faatoa iloa pe a uma le paketi ia Iulai.
Tuu mai i le Auckland Transport o lea foi ua amata talanoa ma lana aufaigaluega i fuafuaga o le lē toe maua o le 150 avanoa faigaluega, ma o le vaiaso nei ma faasolo atu i le vaiaso fou e mautinoa ai.
O le Eke Panuku o lea foi ua alu le 16 o ona tagata galulue.
