Search
Photo Credit: Samoa Police

Faaopoopo pea le fuainumera o Malu o le Malo e tautua i le toese

O le 48 o Malu o le Malo fou sa faatautoina i le Faamasinoga Faaitumalo e tomua ai le amataga o la latou tautua i le toese.

Sa faatino le faatautoina o i latou nei i luma o lana Afioga i le Faamasino, Talasa Atoa Saaga ma e 31 tamaitai ma le 17 o alii.

O se faamanatu mai le Faamasino ia Saaga o le auaunaga lenei e lē tatau ona iai lagona fefe ma le faaituau ae ia faatino la latou auaunaga o le taulai lea i le saogalemu o le atunuu lautele.

“Aua le faia lau galuega ma le fefe, aua foi le fai lau galuega e faapito.”

Na ia faailoa foi o lenei galuega e pito sili ona tāua e faatupuina le filemu ma le puipuiga saogalemu o tagata.

O matafaioi foi a Malu o le Malo e faaaloalogia e tagata ma o le avea ai o se tagata e faamalosia le tulafono e ao foi ina savali ai o ia.

“Ia e silafia o taimi uma lava e te savali ai i le taulaga, a o fai lau togiga leoleo, ia e silafia le faatuatuaga o tagata ua tuuina atu, o le mea e te alu atu iai, e iai le malamalama ma le saogalemu.”

E lē o se galuega e faigofie e pei ona taulogologo ai pea Saaga, e tele faafitauli ma luitau ae peitai e ao ona manatua la latou tautoga ma le tautiga sa finau ai ia avea ma Malu o le Malo.

“Ia fesoasoani mai Le Atua ia te au.”

Tala sili ona faitaulia

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required