Faaopoopo le isi tausaga e tatala ai pea le fale failele o le falemai a St George 

Ua toe faaopoopo le isi tausaga e tatala ai pea faitotoa o le fale failele o le falemai a St George i Kalaiesetete. 
Silia ma le 30,000 tagata e aofia ai mātua ma faatosaga na sainia le petition na faaulu faasaga i lea fuafuaga i le masina o Aperila a o tapena ai le tapunia o lea vaega o le falemai. 

O lea foi sa finau le pule sili o le kolisi o faatosaga i Niu Sila, Alison Eddy e moomia le tatala pea ona o le fale failele o le falemai a St George o le nofoaga lea e tele ina agai iai tina ma’itaga o Kalaiesetete. 

I se tali mai a le pulega na sau ai lana faaiuga ananafi o le a toe faaopoopo le isi tasi tausaga e tatala ai pea. 
Ua faailoa mai foi o le a tatala le nofoaga fou e faafanau ai tina a le Canterbury District Health Board i le tausaga fou, ese ai le isi lālā lea na tatala i Selwyn i le amataga o le vaiaso nei.