Ua molia isi tagata e to’alua i le faalavelave feta’ua’ina na fasiotia ai se talavou i se vevesi na tupu i le itu i Matu i Sisifo o Melepone.
Na ta’ua e leoleo o le vevesi lea e aofia ai se kulupu o tagata mai McBurnie Drive i Kurunjang i le aso 20 o Tesema o le tausaga na te’a nei.
Faailoa e le 9News o le talavou e 18 tausaga sa togafitia ai i le nofoaga na tupu ai le faalavelave peitai na maliu ai lava i se taimi mulimuli ane.
O se talavou e 21 tausaga o le a tula’i i le faamasinoga i Melepone i le asō ma le tamaitiiti e 17 tausaga o loo molia i le fasioti tagata ma o le a tula’i i le faamasinoga o tamaiti.
Sa mua’i molia e leoleo se alii e 22 tausaga ma se isi tamaitiiti 15 tausaga mai Harkness, e molia i le fasioti tagata.
Na ta’ua e le ausu’esu’e e foliga o le vevesi sa fuafua lelei ma o tagata o loo aofia ai e masani uma.
Puna o Faamatalaga: https://www.9news.com.au/national/kurunjang-two-more-people-charged-with-murder-over-alleged-brawl-in-melbourne/4e61a1ac-ae73-4d1c-a6d5-e606d5bb0020
