Ua faate’ia nisi i se tala lata mai o le sailiga o se faiaoga o le South Sydney Rabbitohs lea ua togi ane foi iai le finau a lē sa faiaoga i le Wallabies, o Michael Cheika.
O talafou o le aso ananafi na faailoa atu ai se faamatalaga mai le ofisa sili o le kalapu o le a lē tapunia le avanoa seia mae’a faatalanoa le faiaoga lauiloa o Wayne Bennett peitai o le asō ua faailoa ua faaopoopo atu iai ma Cheika i lea lisi.
Ua 57 tausaga le matua o le soifua ma sa faiaoga i ‘au a Ausetalia i le lakapi Iuni talu mai le 2014 ma agai ai foi i le lakapi liki ma faufautua ai ia Trent Robinson o le Roosters.
Fai mai e ui e lei faamautuina poo fea tonu e fia agai iai peitai na ia faailoa i le Sydney Morning Herald o loo ia asia uma avanoa e full time ai i le NRL mo le taimi nei.
Puna o Faamatalaga: https://wwos.nine.com.au/nrl/news-2024-south-sydney-rabbitohs-wayne-bennett-coach-jason-demetriou-sacked-ceo-blake-solly/ab267609-b033-47f9-a530-4f73db0e7756
