E faalua lelei ona faaoolima nisi o pagota o loo i le toese i Mt Eden i Aukilani ile aufaigaluega i le faaiuga o le vaiaso.

Ao tufatufaina e le aufaigaluega meaai a pagota i le Aso Toonai na faateia ai loa se tasi o le aufaigaluega ina ua tu’i e le pagota.

I tala a le Stuff NZ o lea o loo i le fale le na aafia.

E uma lea ae oo mai i le Aso Sa amata e le pagota e toatasi le faaoolima ae mulimuli ai fesoasoani atu iai ma le isi toalua, ma o tagata faigaluega na aafia ai o lea na vaaia e le fomai o le toese ao le isi na auina atu i le falemai.

O pagota e toafa na osofaia le aufaigaluega o lea ua sui le nofoaga e tuu ai ma o le a iai foi moliaga.