Ua faaoo mai i le lautele le faafetai a si tamaititi 10 tausaga o Nicholas Tadros lea na aafia i le faalavelave na fetoai ai helicopters e lua i le Gold Coast ma maliu ai si ona tina o Vanessa ma isi tagata e toatolu.
O Nicholas ua faasolo manuia i le falemai ma ua ia faaoo mai lana feau faafetai i tagata Ausetalia uma mo le latou lagolago ma talosaga foi a o iai pea i togafitiga.
O loo iai pea i le falemai ma o loo tausia pea e si ona tamā. Pe ā ma le 30 taotoga ua mae’a ona faia o Nicholas ona o le tuga o manuaga ae o loo faasolo manuia lava i aso taitasi.
Sa ia faailoa lona faafetai i le lagolago a tagatanuu mai itu e fia o Ausetalia sa faaoo ane alofaaga ma fesoasoani mo sia alii talavou.
O le Lions Club Australia le isi faalapotoptoga o loo fesoasoani i le sailia o fesoasoani mo Nicholas.
Fai mai si ona tamā ua ia iloa ii le tulaga ese o soo se ituaiga tagata na faia e le Alii, i le alofa ma le agalelei o loo faaalia i si o latou aiga.
