O le a faamuta e le Woolworths ana faiga faavae e faatatau i tuipuipui o le faamai lea sa manaomia ai le aufaigaluega uma ia faia uma tuipuipui manaomia o le Koviti-19.
Faalauiloa la e le Woolworths i le vaiaso nei o se iloiloga e faatatau i le tali atu i le faamai ua faia ai le faaiuga lea e le toe manaomia le aufaigaluega e faia tuipuipui e lua ae ua unaia malosi e faia tuipuipui.
Ua faailoa foi le aveesea o nisi o screens sa faaaoga i le faatinoina o galuega ma o lona uiga o le faia o nei suiga ua toe agavaa ai foi nisi o le aufaigaluega sa agai ese muamua ma galuega ona e lei faia ni tuipuipui.
Faailoa e se sui o le pulega a le Woolworths Dr Rob McCartney e faapea o le maualuga o le aofai o tagata ua faia tuipuipui i le komiuniti o se fesoasoani tele i le faaitiitia o lamatiaga o le faamai.
Pau vaega o loo faatumauina pea e le supamaketi o le tuuina o hand sanitisers ma wipes i faitotoa o le faleoloa mo le faaaogaina e tagata faatau.
