Ua folafola e le faigamalo a Kuiniselani e amata atu I le ta o le tasi ile vaveao o le aso 14 o le masina nei ona faagata vaccine mandates poo aiaiga sa faamalosia faatatau i tui puipui mo nisi o nofoaga I le atunuu e aofia ai kalapu, faleaiga, faletifaga, casino, faletusi , fale mataaga ma malae taalo.
Fai mai le premier o Kuiniselani, Anastacia Palaszuzuk ua oo ile taimi e toe faatasitasi ai Kuiniselani. E ui la I lea tala fiafia mo le toatele ae o loo tumau pea vaccine mandates I nisi o nofoaga e pei o nofoaga e tausia ai tagata matutua, falemai, aoga ma falepuipui.
Fai mai le premier ua mafua ona mafai ona faia lea faaiuga ona o le maualuga o le numera o tagata ua maea ona faia tui puipui. O le aso e 9946 tagata Kuiniselani ua faamaonia le aafia ile faamai atoa ai ma le toavalu ua maliliu.
