Faamavae le faipule o le Nationa, Andew Bayly mai ona tofiga faaleminisita ona o se tasi o mataupu ua ta’uleagaina ai lona igoa ma o loo ta’ua ai se tasi o lana aufaigaluega.
Toe ta’utino le faipule o Port Waikato, e le’i lava lona onosa’i ma o lea foi ua uma ona toe faatoese i lē na aafia.
O le ofisa o le minisita ia Bayly lea na tupu ai i le Aso Lua o le vaiaso talu ai, ma o le aso lava na sosoo ai lea na oo ai i le ofisa o le Palemia faapea le Ministerial Services.
O le Aso Tofi na faato’ā faatalanoa ai e le Ministerial Services itu uma e lua na aafia i lenei mataupu, mulimuli ai i le afiafi o le Aso Faraile faamavae Bayly aga’i i le Palemia, Christopher Luxon.
O lea ua suitulaga ai nei Scott Simpson i le tofi minisita o le taui o faalavelave faafuase’i faapea pisinisi.
Ae mai le Labour, ua tuua’ia le Palemia, i le faatuai ona faia o lana faai’uga ma sa tatau lava ona vave ona tuli e Luxon lana minisita i totonu o aso na ia silafia ai.
Ae mai ia Luxon, e talitonu o lea lava na vave ona faia lana faai’uga.
E lē o tele se tala mai le Palemia i le atoaga o le mea na tupu, pau o lea o loo ia lagolagoina le faai’uga a Bayly, ma i lona talitonuga o le mea sa’o lea e fai, o le faamavae.
Puna o Faamatalaga: Three days’ grace for Andrew Bayly raises more questions | RNZ News
