O faaletonu ua aafia ai le falea’oga tulagalua o afio’aga o Saina ma Toamua i le itumalo faapalota o Faleata 4 sa ofoina ai se fesoasoani mai le malo o Amerika na te fausia.
O lea ua faamautū lea fesoasoani o le a fausia ai se falea’oga fou e 16 potu a’oga, o le potu tusi poo le library, ofisa o le ulu a’oga, ma nofoaga mo faleui i le tau e 1 tesimale 9 miliona tupe Amerika poo se aofa’iga e tusa ma le 5 miliona tālā Samoa.
Ua faailoa ai e le ofisa o lea malo i lo tatou atunuu le sainia o se maliega e faamautū ai lea fesoasoani i le va o le malo o Samoa ma le malo o le Iunaite Setete o Amerika.
O le masina o Me o le tausaga ua mavae na amata osia ai le feagaiga vavalalata a lea a’oga tulagalua ma le polokalame fesoasoani a Amerika e aga’i tonu i le faaleleia o le soifuaga lautele ma e pei ona auala mai ai lea fesoasoani.
Ua faaalia e le sui o le malo Amerika i Samoa o lea fesoasoani o le a siitia ai le tulaga lelei o a’oa’oga mo fanau a Saina ma Toamua lea o loo a’ooga ai i le taimi fanau e tusa ma le 600.
