Ua aloa’ia nei le avanoa o le nofoa o le tofi faipule i le Palemene o le itumalo faapalota o Vaisigano 2 ina ua faailoa e le Fofoga Fetalai i le Palemene le solia o aiaiga o le tulafono o faigāpalota ma tulafono tumau ina ua momoli atu le afioga Motuopuaa Seve Henney Papalii sa seei i le nofoa o le itumalo i le vaega faaupufai o le Faatuatua i le Atua Samoa ua Tasi i se feiloa’iga ma lea patī faaupufai i le Aso Toona’i ua mavae.
Ua mautū ai nei e lua palota laiti ua fuafua e faatino o Vaisigano 2, ma Safata 1, a o tālia le faamasinoga ma se taunuuga o le tagi tau palota mai Falealili 1.
