Ua saunoa le alii Palemia o Niu Sila, Chris Hipkins e faatatau i le faamavaega a lē sa avea ma minisita o faamasinoga o Kiri Allan.

Mo le silafia o Allan na molia foi i nisi moliaga e pei o le tetee atu i le pueina o ia i se faalavelave tau taavale na aafia ai i Ueligitone, ae o le saunoaga a le Palemia i le mataupu na ia ta’ua ai o faamatalaga o le a tautala iai sa tuuina atu mai ia Allan ma o le ala lea e eseese ai ma faamatalaga mai leoleo. 

Fai mai Hipkins sa fautuaina e le komesina o leoleo o Andrew Coster le minisita o leoleo e faapea, o Allan ua taofia i le latou vaavaaiga e tusa lea poo le ta o le 10 i le po anapo.

O le faamatalaga a leoleo e faapea o Allan na molia i le lē lelei o le faaaogaina o se taavale ma teena le agai faatasi atu ma se malu o le malo ma sa tuuina foi iai se infringement notice ona sa faasua’avā.

Fai mai le lipoti o le faamatalaga tusitusia mai ia Allan i le asō ua ta’ua ai o le a faamavae mai ona tofiga uma.

Fai mai le Palemia ua ia talia lea faamavaega.