Ua faamaonia mai le maliu o se tamaitai i si tamai nofoaga tau faatoaga i le itu i Matu o Hawkes Bay e ui i taumafaiga na faia e faasaoina mai ai o ia.
O se faamatalaga mai le vaega o le puipuiga ua ta’ua ai le lipotia ane i leoleo o le faalavelave lea i Putorino ina ua afaina le fale o lē ua aafia.
Na asia e leoleo le fale o le tina lea ina ua logoina i latou i se tagata o loo tau sailia ma faia ai loa suesuega peitai e lei manuia.
O se faamatalaga mai leoleo ua ta’ua ai le faamaonia e le latou ofisa o le maliu o lea tamaitai ina ua logo atu se sologa eleele i autafa ane o le fale ua aafia atu ai foi ma lea nofoaga poo le tea o le 7 i le taeao ananafi.
Ua faailoa mai i le pepa a leleo le maua ai o le tinomaliu o se tagata o tafea ane i le matafaga i Bay View i le itu i Matu o Napier. O loo faia pea le suesuega.
