iuniara

Faamaonia le avanoa o Iuniara Sipaia mo le Olimipeka

O le tamaitai siisii ia Iuniara Sipaia lea ua faamaonia mai nei lona avanoa e fai ai ma se tasi o sui a Samoa i le taaloga siisii uamea mamafa i taaloga Olimipeka lea o le a faia i Tokyo Iapani i le masina fou.

E 27 tausaga o lenei alo o le atunuu ma e sau mai afioaga o Avele ma Saoluafata.
O le uluai taimi lenei ua maua ai se avanoa o Iuniara i taaloga Olimipeka ma o se laa i luma lea o lona taumafai i le taaloga siisii uamea mamafa.

Na faamaonia e le Faiaoga ia Tuaopepe Jerry Wallwork le auai a lenei sui o Samoa ma o lana talitonuga soo se sui lava o loo i le 10 pito i luga i le lalolagi i soo se taaloga e tatau lava ona maua le avanoa e taaalo ai i le Olimipeka.

Taua e Iuniara “e lagona le fiafia ona o le mafai ona maua lenei avanoa mo ia, o lana faamuamua ia lava ana tapenaga ma lav alona malosi ina ia manuia ai ana taumafaiga.”
Na ia taua foi “ o taaloga faapea o le pineauro lava e tatau ona finau iai”

O le aso 23 o Iulai agai i le Aso 8 o Aukuso o le a faia ai taaloga o le Olimipeka i le tausaga nei

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required