Ua faamaonia mai e leoleo mai Vitoria ua iai le tagata, o se alii ua maliu i lologa o loo aafia ai nei le setete.
O le faaitu o Nathalia i le itu i Matu i Sisifo o Vitoria lea e maua i le lipoti lenei fai mai na maua atu e lona aiga le tinomaliu o si tamā sia e 65 tausaga i le taeao analeila.
Na amata ona sailia i le po anapo ina ua logoina leoleo ina ua le foi ane i lona aiga i le aso ananafi.
Fai mai leoleo e le o masalomia se tasi i lenei mataupu ma o loo faia pea a latou suesuega.
O le faaiuga foi o le vaiaso ona tea nei na lipotia mai ai foi se tamā e 71 tausaga na maua ua maliu i tua ane o lona fale i Rochester.
O loo fautuaina pea tagata o le setete i timuga i le agai atu i le faaiuga o le vaiaso ma ia mautinoa o loo iai pea lapataiga mo lologa ma uiga loulouā o le tau.
