Faamaonia e le Palemia o Ausetalia, Anthony Albanese o loo manuia fitafita uma a Ausetalia na aveina atu i Sasa’e Tutotonu e ui sa lalata lava se tasi o ‘au’upega alualu mamao na fana aga’i atu i le vaega o loo iai.
Fai mai le 9News o faaitu i tua o Dubai lea na pa’ū iai le missile na fanaina atu ae o le nofoaga o le militeli o loo faamautū iai fitafita ma o loo manuia uma i latou.
Faailo e le Palemia o loo saogalemu uma fitafita ae sa iai sina vaega o le nofoaga o loo iai ua faaleagaina.
Ua atili faitioina ai e le Palemia ia osofa’iga a Iran i ona lava tuaoi i Sasa’e Tutotonu.
Ta’ua e Albanese ua mae’a ona ia talanoa i le minisita o le puipuiga i le matāupu lenei ma ua maitauina le alu solo o osofa’iga a Iran i atunuu tuaoi i lea itu o le lalolagi.
Puna o Faamatalaga: https://www.9news.com.au/world/us-israel-iran-war-australian-troops-safe-after-uae-airbase-struck-by-iranian-missile/e5ca829b-b3c4-422a-8d03-c73c83eabe65
