Maeu le faamaoni o le ulugalii na o laua mauaina ma toe faafoi le ato o loo iai I totonu le $70,000.
O le ulugalii Hawke’s Bay e faapea faatoa uma ona piki lo laua alo mai le aoga amata, ma vaaia ai loa le ato o loo taatia I tafaala.
Molimau mai leoleo, na o laua pikiina le ato ma iloa ai o le meatotino a le faletupe ma o laua tuuina atu ai loa I leoleo.
I totonu o lea ato o loo iai le $70,592.60 ma ua faafetaia e leoleo le faamaoni o lenei ulugalii.
Molimau ai se tasi o leoleo ua 40 tausaga o galue ma faamautu I Hastings, e le I faaalogo muamua I se mea faapea.
Na vave ona logoina le faletupe faapea le kamupani sikulati o loo o latou galulue faatasi, ma o lea ua toe faafoi atu I le faletupe lea ato tupe.
