Na tulai i le faamasinoga i le asō se alii o loo molia i le tulafono, ina ua ia faaoo manu’a i nisi i Marrickville i le aso ananafi. Faamauina i ripoti pe tusa ma le itula e 5 i le afiafi na valaau ane ai i leoleo mo se fesoasoani i se faalaaavelave na tulai mai i Sydenham Rd i Marrickvlle. Ta’ua i ripoti na togafitia e le vaega o fesoasoani muamua (paramedic) se alii e 25 tausaga o ni manuaga i foliga, ta’ua na faaaoga ai se auupega ma’ai, na aafia ai ma lona ulu ma le lima
Na faanatinati atu i le falemai ona o le tugā o manuaga o lea alii. Ao le tasi na aafia o se tamaitai 55 tausaga na taumafai atu foi e togafiti manuaga i le faai (tulou) ma sa faatopetope atu lea tamaitai i le falemai. E 22 tausaga o le alii na taofia e leoleo ma ua molia nei i moliaga e lua o le faaoolima ma le faamoemoe e faaoo le oti. Faailoa i faamatalaga a leoleo e masani uma i latou e toa tolu o loo aofia i lenei faalavelave.
Puna o Faamatalaga: https://www.9news.com.au/national/marrickville-woman-man-stabbed-another-man-charged-sydney/a178e631-dab6-4347-aa53-63af3bef6162
