O loo i le falema’i nei se malu o le malo na aafia i manu’aga i le taeao analeila i tuliga sa faia i le itu i Sisifo o Sini.
O le faamatalaga e faapea na valaau ane leoleo i Hill End Rd i Doonside poo le ‘afa o le 12 i le vaveao analeila ona o lipoti o ni alii se to’alima o loo fai ai ni fusuaga.
Taunuu atu leoleo ma vaaia se taavale ua amata ona aga’i ese ma tuli ai loa e leoleo.
Na soso’a e le taavale lea se poumolī i Power St i se taimi mulimuli ane ma taumafai ai ni alii se to’atolu e sosola ese.
Na pu’e e leoleo le to’atolu lea ma o i na aafia ai le malu o le malo ina ua tui se’i tulou e le isi alii pe 20 tausaga le matua ma aafia ai lona fatafata e pei ona lipotia e le 9News.
O loo iai pea i le falema’i mo togafitiga ae o alii e to’atolu na pu’eina e 18, 20, 21 tausaga le matutua.
E le’i faia ni moliaga i le taimi nei ona o loo faaauau le ane su’esu’ega.
Puna o Faamatalaga: https://www.9news.com.au/national/police-officer-stabbed-after-car-chase-doonside-western-sydney/54b857a6-4939-4d28-94ab-a45c50e64c34
