E oo atu i le 14 tausaga faafalepuipui le taunuuga o tagata e polokaina taavale feoai i taimi o solo tetee.
O le lapataiga lea mai leoleo i le mae’a ave ai ma molia ni tina se to’afā, mai le 19 i le 64 tausaga le matutua na polokaina le highway pisi i Ueligitone i le taeao ananafi.
O tagata nei na tetee e omai le Restore Passenger Rail Group ma ua fai mai ai o le a lē uma ai ii solo tetee seia vagana ua tali mai le malo e faaleleia feoaiga e faaaoga ai trains.
A o finau mai ai i latou nei ua fai mai leoleo, e malamalama i le saolotoga e faaleo ai aiātatau e tauala mai i solo tetee, ae e le tatau ona aafia ai le feoaiga saoloto a isi tagata lautele.
I lipoti a le Newshub, e tasi le itula na poloka ai e i latou nei le auala ma e toatele na le fiafia ai ona ua tuai ai i galuega faapea ai konekarate o loo galulue i luga o auala.
O le faamanatu o soo se tasi e toe tetee i le lumanai ma taumafai e poloka feoaiga a taavale o le a molia ma e ono oo atu i le 14 tausaga e nofo ai i le falepuipui.
