E tele vaega o le atunuu ua potopoto ai tagata mo le faamanatuina ma le manatuaina o le aso malolo o le Matariki i le asō, o le faamanatuina o le amataga o le tausaga fou i le kalena a maoli.
I Rotorua foi ua lipotia mai e le One News na potopoto ai le toatele e aofia ai ma Dr Rangi Matāmua o se tasi na malosi lana finau i le faaamanaiaina o le Matariki i se aso malolo mo le lautele.
Fai mai a ia i le faatalanoaga lea e lagona le fiafia aemaise ua vaaia lava le opogi e tagata o lenei faamoemoe e faatāua ai foi le sao o i latou ua faiilagi folauga ma faamanatu ai tupuaga ma faamoemoega i le agai i luma.
O le sini autu o faamanatuga i lenei tausaga Matariki Kainga Hokia, o le unaia o tagata e toe foi i o latou aiga ma tagata.
Saunoa le Sui Palemia, Carmel Sepuloni, mo ia o le Matariki e faatatau i le toe tomanatu i le tausaga ua tuanai, faamatuu atu o mea ua tuanai ma le agai i luma i nisi amataga fou.
