Ua faaaogā e le au taufaasese faiga fou faatekonolosi i nei ona po e gaoia ai faamatalaga o tagata ma ua oo ina faaaogā ai ma QR codes.

O le vaitau o le pepesi tele o le Koviti-19 na maitauina ai le faateteleina o le faaaogāina o QR codes peitai ua taatele i lenei vaitau i soo se mea e pei o fale’aiga, kapaka ma pisinisi i luga o auala ae faapea foi ma business cards.

Ua faailoa i lipoti a le 7News ua mafai e le au solitulafono ona soona faaaogā le faatuatuaga ua tuuina i ia faiga e faaauau ai i se auala lē manuia e saili ai faamaumauga ma teugatupe a tagata.

Fai mai se tasi polofesa mai le Deakin University o le QR Code ua tuufaatasi iai faamaumauga o le tagata ma o se sootaga agai i le tele o faamatalaga e faatatau i se tagata.

Ua faamanatu mai e le Services Australia e tatau ona silafia e iai auaunaga ua faia i ni auala taufaasese e faaaogā ai QR codes ma e ao lava ona mataala ai.

Ua fautuaina foi le aua le download maia o se app mai QR codes ae saili agai i le app store.

Puna o Faamatalaga: https://7news.com.au/news/how-scammers-are-using-qr-codes-to-steal-your-data-c-14201221.amp