Ua faatalosaga mai i tagata o loo agai i matafaga ina ia faamuamua le saogalemu.

O le valaau mai lea a le Surf Life Saving a le itu i Matu o le atunuu a o faaopoopo ai pea tagata maliliu i le vai.

E toa 15 i latou na taumafai le aufaigaluega e laveai ese mai le 12 matafaga eseese i totonu o le faaiuga o le vaiaso.

O le toatele o i latou nei na lamatia saogalemu i le sami e tusa ma faamatalaga a le Surf Life Saving e lei usitaia faatonuga o loo iai i matafaga mo lo latou saogalemu, aemaise lava le faaaoga o fu’a o loo iloa ai vaega o le sami e tatau ona taeele ai.

E toatolu isi tagata maliliu i le vai na lipotia mai i le po o le Aso Gafua.