Ua saunoa le minisita o le va i fafo a Niu Sila, Winston Peters o le sootaga a le Pasefika i Niu Sila ma Amerika e matua’i tāua lava.
Fai mai a ia a o iai i Hawaii i le vaiaso nei ua mātauina ai lea tulaga i mataupu e tutusa ai finagalo o Amerika ma Niu Sila ma e tumau pea ona avea lea sootaga ma faiga faapaaga ma Amerika, o se vaega tāua tele.
Sa feiloa’i atu Peters ma le aumalaga mai Niu Sila i le kovana o Hawaii, Josh Green lea na ia faailoa ane i le aumalaga o loo sa’o le auala o loo faaaogā aga’i i sootaga ma Trump.
Na saunoa foi Peters e iai taimi e lē malilie faatasi ai ta’ita’i o atunuu e lua ae iai lava le aiātatau a le vaega ia e tusa o a latou faiga faavae mo se manuia o o latou atunuu.
Puna o Faamatalaga: https://www.rnz.co.nz/international/pacific-news/558215/winston-peters-emphasises-growing-importance-of-nz-s-pacific-ties-with-the-united-states
